Do It Yourself (SueMyar)

OK!! ယာယီဆံပင်ဟိုက်လိုက်လေး ဖောက်လိုက်ရအောင်လား။ ဟိုက်လိုက်မဟော်ဂနီရောင်လေးနဲ့ လန်းချင်တဲ့ မမတို့အတွက် ဒီမှာ သဘာ၀အတိုင်း ဓာတုပစ္စည်းလုံး၀လုံး၀မပါ၀င်တဲ့ ဆိုးဆေးပြုလုပ်နည်းလေးကို ပြောပြပေးပါရစေ။ ယာယီဆိုပေမယ့်လည်း ပြုလုပ်ရတာ အရမ်းလွယ်ကူတာမို့ အချိန်လေးနည်းနည်းပေးရုံနဲ့ လိုချင်တဲ့အချိန်တိုင်း လန်းနိုင်မှာပါလို့ ... လိုအပ်သည့်ပစ္စည်းများ ♦ Beet Root တစ်လုံး ♦ သံလွင်ဆီ ပြုလုပ်နည်း ♦ Beet Root ကို သံဆန်ခါနဲ့ခြစ်ပြီး အရည်ညှစ်ယူပါ။ ♦ အဲဒီထဲကို သံလွင်ဆီအနည်းငယ်ထည့်ပါ။ ♦ သေချာသမအောင် မွှေပြီးရင် စပရေးဘူးထဲထည့်လိုက်ပါ။ အသုံးပြုနည်း ♦ လက်အိတ်စွပ်ပါ။ ♦ ပုံမှာပြထားတဲ့အတိုင်း မိမိလိုချင်တဲ့နေရာတွေကို မဟော်ဂနီရောင်စပရေးနဲ့ဖျန်းကာ လက်နဲ့ ဆွဲချပါ။ (အလှပြင်ဆိုင်မှာ ပြုလုပ်သလိုမျိုး) ♦ နေရာအနှံ့ဆိုးပြီးပြီဆိုရင် shower cup နဲ့ အုပ်ပြီး တစ်နာရီခန့် ထားပါ။ ♦ ပြီးရင် ရေနဲ့ လျှော်လိုက်ပါ။ ♦ ကဲ အခုဆိုရင် ဒီလို မဟော်ဂနီရောင် ဆံပင်လေးနဲ့ လန်းနိုင်ပြီပေါ့။ ☆ဆူးမြာ☆ Ref : 5-minutecraftsgirly.com

အသက်ကြီးလာတယ်ဆိုတာကို လက်အရေပြားတွေက သက်သေပြနိုင်ပါတယ်။ မျက်နှာလေးကို ဘယ်လောက်နုပျိုနေအောင် ပြင်ဆင်ထားပါစေ၊ လက်အရေပြားက ရင့်ရော်နေရင်တော့ ငယ်ရွယ်ပုံမပေါက်တော့ပါဘူး။  ဒီတော့ လက်ပေါ်က အရေးကြောင်းတွေ၊ အသားပပ်သလိုမျိုး အဖတ်တွေ ဖြစ်နေတာကို ဖြေရှင်းနိုင်ဖို့ Hand Moisturizer ပြုလုပ်နည်းလေးကို ဖော်ပြပေးချင်ပါတယ်။  သူ့ပါ၀င်ပစ္စည်းတွေထဲမှာ အယ်လ်ဟိုဟောလည်း အနည်းငယ်ပါ၀င်တာမို့ လက်သည်းပိုး၀င်ရောက်တာတွေ၊ ဗိုင်းရပ်စ်ပိုးတွေကို ကာကွယ်တားဆီးပေးနိုင်ပါသေးတယ်။  လိုအပ်သည့်ပစ္စည်းများ ♦ ရေနံဂျယ်လီ  ♦ ရေနွေး(ပွက်ပွက်ဆူ) ♦ ပျားရည် ♦ သံလွင်ဆီ ♦ ထောပတ်ဆီ ♦ ဂလစ်ဆရင်း ♦ ရှားစောင်းလက်ပပ် ♦ နှင်းဆီပွင့်ဖတ်ရည် ♦ အရက်ပြန်   ပြုလုပ်နည်း ♦ ပန်းကန်လုံးတစ်လုံးထဲမှာ ရေနံဂျယ်လီ ထမင်းစားဇွန်းကြီးတစ်ဇွန်းစာကို ထည့်ပါ။  ♦ ရေနွေးပွက်ပွက်ဆူကို ခွက်ကြီးတစ်လုံးထဲ ထည့်ပြီး ခုနက ပန်းကန်လုံးကို အပေါ်ကနေ တင်ကာ ရေနံဂျယ်လီတွေကို ပျော်အောင် ဖျော်ပါ။ ♦ ရေနံဂျယ်လီတွေ အရည်ပျော်သွားရင် ပျားရည် လက်ဖက်ရည်ဇွန်းတစ်ဇွန်းစာ၊ သံလွင်ဆီ လက်ဖက်ရည်ဇွန်း တစ်ဇွန်းခွဲစာ၊ ထောပတ်ဆီ လက်ဖက်ရည်ဇွန်းတစ်ဇွန...

အသက် ၅၀ အရွယ်တွေမို့ အရေးကြောင်းတွေများလာပြီဆိုတော့ အရင်လို မလန်းနိုင်တော့မှာ မပူပါနဲ့လေ။ မမကြီးတို့ရဲ့ အရေးကြောင်းတွေ လျော့ပါးပြီး အသက် ၃၀ အရွယ်လောက် ထင်ရနိုင်စေမယ့် Mask ပြုလုပ်နည်းကို ဖော်ပြပေးလိုက်ပါရစေ။ လိုအပ်သည့်ပစ္စည်းများ ♦ ဆန်မှုန့် (ထမင်းစားဇွန်းကြီး သုံးဇွန်းစာကို မှုန့်ညက်နေအောင် ကြိတ်ထားပါ) ♦ ကော်ဖီမှုန့် (ကော်ဖီမှုန့် ထမင်းစားဇွန်းကြီး သုံးဇွန်းစာကို မှုန့်ညက်နေအောင် ကြိတ်ထားပါ) ♦ ဒိန်ချဉ် ထမင်းစားဇွန်း နှစ်ဇွန်း ♦ ပျားရည် လက်ဖက်ရည်ဇွန်း တစ်ဇွန်း ♦ ရေနွေး ထမင်းစားဇွန်း နှစ်ဇွန်း ပြုလုပ်နည်း ♦ ဆန်မှုန့် ထမင်းစားဇွန်း နှစ်ဇွန်းစာကို ပန်းကန်လုံးတစ်လုံးထည့်ပါ။ ♦ အဲဒီထဲကို ကော်ဖီမှုန့် ထမင်းစားဇွန်း တစ်ဇွန်းစာ ထည့်ကာ သမအောင် မွှေပါ။ ♦ ရေကို ပွက်ပွက်ဆူအောင် တည်ထားပြီး အဲဒီရေပူပူ ထမင်းစားဇွန်း နှစ်ဇွန်းစာကို ခုနက ကော်ဖီနဲ့ ဆန်မှုန့်ထဲ ရောထည့်ကာ သမအောင် မွှေပေးပါ။ ♦ သမသွားပြီဆိုရင် အဲဒီထဲကို ဒိန်ချဉ် ထမင်းစားဇွန်း နှစ်ဇွန်းစာ ပေါင်းထည့်ကာ မွှေပါ။ ♦ ပြီးရင် ပျားရည် လက်ဖက်ရည်ဇွန်း တစ်ဇွန်းစာ ထည့်ကာ အားလုံးသမအောင် ရောစပ်ပါ။ ♦ အဲဒီနောက် ဘူးအလွတ်တစ်ခုထဲကို ထည့်ကာ အသင့်အသုံ...

Flaxseed မှာ ဆံသားနဲ့ ဦးရေပြားကို အားဖြည့်တင်း ပေးနိုင်တဲ့ သဘာ၀အာဟာရဓာတ်တွေ ပါ၀င်တာကြောင့် ဆံပင်သန်စေနိုင်စွမ်းရှိပါတယ်။  ပျက်စီးနေတဲ့ ဆံသားတွေကိုလည်း ပြန်လည်ပြုပြင်ပေးနိုင်တာကြောင့် ဒီလိုကောင်းမွန်တဲ့ ပါ၀င်ပစ္စည်းနဲ့ ဆံပင်ကောက်ထားတဲ့ ပျိုမေတို့အတွက် ကောက်သားလေးတွေ ပုံဖော်နိုင်မယ့် Hair Gel ပြုလုပ်နည်းကို ဖော်ပြပေးလိုက်ပါရစေ။ လိုအပ်သည့်ပစ္စည်းများ ♦ Flaxseeds ♦ ရှားစောင်းလက်ပပ်ဂျဲလ် ဒါမှမဟုတ် Shea Butter  ♦ Lavender Oil ဒါမှမဟုတ် Tea Tree Oil ♦ သံလွင်ဆီ ပြုလုပ်နည်း ♦ ခွက်တစ်ခွက်ရဲ့ လေးပုံတစ်ပုံစာ Flaxseed ကို ပန်းကန်လုံးတစ်လုံးထဲမှာ ရေမြုပ်အောင် ထည့်ပြီး တစ်ညစိမ်ပါ။ ♦ နောက်တစ်နေ့မှာ ဒယ်အိုးတစ်လုံးထဲကို ရေစိမ်ထားတဲ့ Flaxseed တွေကို (စိမ်ထားတဲ့ရေအပါအ၀င်)ထည့်ကာ ဒယ်အိုးရဲ့ လေးပုံတစ်ပုံစာအနေအထားအထိ ထည့်ကျိုပေးပါ။ ♦ ၇-၁၀ မိနစ်ခန့်ကြာချိန်မှာ အိုးကို မွှေပေးပါ။ ပြီးရင် မီးအရှိန်ကို လျှော့ချပြီး အရည်တွေ ခပ်ပျစ်ပျစ်အနေအထားရောက်တဲ့အထိ မီးအေးအေးနဲ့ ဆက်တင်ထားပါ။  ♦ ပြီးရင် မီးဖိုပေါ်က ချပြီး အအေးခံပါ။ ♦ ဆန်ခါကို အသုံးပြုကာ အရည်အနှစ်တွေကို စစ်ယူပါ။  Flaxseed တွေကို ဇွ...

ကျွန်မတို့ရဲ့ ခန္ဓာကိုယ်မှာ သေးငယ်တဲ့ ပျော့အိအိ အသားပိုလေးတွေ အနည်းအကျဉ်းစီတော့ ရှိကြတာပါပဲ။ အသားပိုတွေကို မျက်ခွံ၊ ပေါင်ခြံ၊ ရင်သားအောက်တွေမှာ တွေ့ရများပြီး ဘယ်နေရာမှာမဆို ဖြစ်နိုင်ပါတယ်။ များသောအားဖြင့် ကိုယ်၀န်ဆောင်ချိန်မှာ ဟော်မုန်းနဲ့ ကိုယ်အလေးချိန်အတက်အကျတွေကြောင့် အသားပိုငယ်တွေ ဖြစ်ပေါ်နိုင်ပြီး ဆီးချိုရောဂါ ဒါမှမဟုတ် ဟော်မုန်းမညီမျှမှုတွေရဲ့ လက္ခဏာအနေနဲ့လည်း အသားပိုထွက်လာနိုင်ပါတယ်။ အသက်အရွယ်ကြောင့်လည်း သက်ကြီးအစက်အပြောက်တွေနဲ့အတူ အသားပိုငယ်တွေလည်း ထွက်လာနိုင်ပါတယ်တဲ့။ ဒီတော့ အလှဖျက်နေတဲ့ အသားပိုငယ်တွေကို ဖယ်ရှားဖို့၊ ပါးလျစေဖို့ အိမ်တွင်းနည်းလမ်းတွေကို ဖော်ပြပေးလိုက်ပါရစေ။  ဆရာ၀န်နဲ့ဦးစွာ တိုင်ပင်ပါ ဒီလို အသားပိုဖုတွေ တွေ့ခဲ့ရင် အိမ်တွင်းနည်းလမ်းတွေနဲ့ မဖယ်ရှားခင်မှာ ဆရာ၀န်နဲ့ ဦးစွာ တိုင်ပင် ပြသပါ။ ဆရာ၀န်က ဒီအသားပိုကို အသားစယူစစ်ဆေးပြီး ကင်ဆာလို ရောဂါမဟုတ်ခဲ့ရင် စတင်ဖယ်ရှားနိုင်ပါပြီ။ Tea Tree Oil သူ့မှာ Antifungal နဲ့ Antiviral လိုမျိုး Antimicrobial  ၁၀၀ ရာခိုင်နှုန်း ပါ၀င်ပါတယ်။ သူ့ကို အရေပြားပေါ်မှာ အန္တရာယ်ကင်းကင်း အသုံးပြုနိုင်ပါတယ်။ ပြုလုပ်နည်း - အသ...

နာကျင်ကိုက်ခဲတာတွေကို လိမ်းဖို့ ပရုတ်ဆီကို စျေးကွက်ထဲမှာ အလွယ်တကူ ၀ယ်ယူလို့ ရနိုင်ပေမယ့်လည်း ကိုယ်တိုင် အိမ်မှာ ပြုလုပ်ပြီး အသုံးပြုချင်တယ်ဆိုတဲ့ အိမ်ရှင်မတို့အတွက် ဒီနည်းလမ်းလေးကို ဖော်ပြပေးလိုက်ပါရစေ။ လိုအပ်သည့်ပစ္စည်းများ ♦ အုန်းဆီခဲ - ခွက်တစ်ခွက်ရဲ့ လေးပုံတစ်ပုံ ♦ ပျားဖယောင်း - ထမင်းစားဇွန်း နှစ်ဇွန်းစာ ♦ ပရုတ်လုံး - ၁၀ -၁၂ လုံး ♦ Peppermint essential oil  - ကိုးစက်ခန့် ♦ Arnica essential oil - ခုနစ်စက်ခန့် ♦ Clove essential oil  - ငါးစက်ခန့် ပြုလုပ်နည်း ♦ ပန်းကန်လုံးတစ်လုံးထဲကို အုန်းဆီခဲ ခွက်တစ်ခွက်ရဲ့ လေးပုံတစ်ပုံစာကိုထည့်ပါ။ ♦ ပြီးရင် ခြစ်ထားတဲ့ ပျားဖယောင်း ထမင်းစားဇွန်း နှစ်ဇွန်းစာကို ရောထည့်ပါ။ ♦ အဲဒီနှစ်မျိုးကို အရည်ပျော်အောင် မိုက်ခရိုဝေ့ဖ်ထဲမှာ စက္ကန့် ၃၀ ခန့် အပူပေးပါ။ ♦ အရည်ပျော်သွားပြီဆိုရင် ပရုတ်လုံး ၁၂ လုံးကို အဲဒီထဲ ပေါင်းထဲကာ မိုက်ခရိုဝေ့ဖ်မှာ စက္ကန့် ၂၀ ခန့် အပူပေးပါ။ ♦ အားလုံးအရည်ပျော်သွားပြီဆိုရင် မိုက်ခရိုဝေ့ဖ်ထဲက ထုတ်ပြီး Peppermint essential oil, Arnica essential oil နဲ့ Clove essential oil တွေကို ပါ၀င်အချိုးအဆအတိုင်း ထည့်ပါ။ ♦ အားလုံးသမသွ...

ဆောင်းတွင်းမှာ အဖြစ်များတဲ့အလှအပပြဿနာ ကတော့ ခြေဖဝါးတွေ ကျိန်းစပ်တာ၊ ခြေဖနောင့်အ က်ကွဲတာ၊ ခြေဖဝါးအရေပြားလန်တာတွေပဲဖြစ်ပါတယ်။  ဒီလိုပြဿနာမျိုးတွေအတွက် ဒီ Peppermint Foot  Scrub ပြုလုပ်နည်းကို ဖော်ပြပေးလိုက်ပါရစေ။  ● Peppermint Essential Oil က ခြေဖနောင့်အက်ကွဲနေတဲ့ ပိုးမ၀င်ရောက်အောင် ကာကွယ်ပေးနိုင်တဲ့ သဘာ၀ Antibacterial ပစ္စည်းတစ်မျိုးဖြစ်ပါတယ်။ ဒါ့အပြင် သူ့ကို အသုံးပြုတာကြောင့် ခြေဖဝါးကို ပူရှိမ်းရှိမ်းနဲ့ အေးမြ​နေစေပြီး Relax ရရှိစေပါတယ်။  ●ဗာဒံစေ့ဆီမှာတော့ ဗီတာမင် အီး ကြွယ်၀စွာ ပါ၀င်တဲ့အတွက် ခြောက်သွေ့အသားအရေကို အစိုဓာတ်ထိန်းပေးနိုင်ကာ အာဟာရဓာတ်ပြည့်ဝစေပါတယ်တဲ့။ လိုအပ်သည့်ပစ္စည်းများ ♦ သကြား - ခွက်တစ်ခွက်ရဲ့ လေးပုံတစ်ပုံစာ ♦ ဗာဒံစေ့ဆီ - ထမင်းစားဇွန်းကြီးတစ်ဇွန်းစာ ♦ Peppermint Essential Oil - လေးငါးစက်ခန့် ♦ Food Coloring - လေးငါးစက်ခန့်  (မိမိနှစ်သ က်ရာအရောင်) ပြုလုပ်နည်း ♦ ပန်းကန်လုံးတစ်လုံးထဲကို သကြား ခွက်တစ်ခွက်ရဲ့လေးပုံတစ်ပုံစာထည့်ပါ။ ♦ ပြီးရင် ဗာဒံစေ့ဆီ ထမင်းစားဇွန် တစ်ဇွန်းစာထည့်မွှေပါ။ ♦ အဲဒီထဲကို Peppermint Essential Oil လေးငါးစက်ခန့်ထည့်ကာ ...