Do It Yourself (SueMyar)

ရနံ့ကုထုံးအတွက် အလွန်အသုံး၀င်တဲ့ Essential Oil ပေါ့။ စိတ်အပန်းဖြေလိုတဲ့အခါ၊ စိတ်ဖိစီးမှုတွေ များလွန်းလို့ ခေါင်းကိုက်နေတဲ့အခါမျိုးတွေမှာ အရမ်းအသုံး၀င်ပါသတဲ့လေ။  လိုအပ်သည့်ပစ္စည်းများ ♦ လတ်လတ်ဆတ်ဆတ် ပူဒီနာရွက်များ ♦ သံလွင်ဆီ ပြုလုပ်နည်း ♦ ပူဒီနာရွက်တွေကို အခက်တွေဖယ်ပြီး အရွက်ချည်းသီးသန့်ယူကာ ရေအေးအေးနဲ့ သေချာစင်အောင်ဆေးပါ။ ♦ စဉ်းတီတုံးသန့်သန့်ပေါ်မှာ ခုနက ရေဆေးထားတဲ့ ပူဒီနာရွက်တွေကို ရေခါပြီး ရေခြောက်အောင် ထားလိုက်ပါ။ ♦ ရေလုံး၀မရှိတော့ဘူးဆိုရင် ငရုတ်ဆုံထဲမှာ ပူဒီနာရွက်တွေကိုထည့်ပြီး ဖွဖွ ဖိခြေပါ။ (လုံး၀ညက်အောင် ထောင်းပစ်ရမှာ မဟုတ်ပါဘူး။ အရွက်စိမ်းတွေထဲ အဆီစိမ့်၀င်နိုင်ဖို့အတွက်သာဖြစ်ပါတယ်) ♦ အလုံပိတ်ဖန်ပုလင်းငယ်ထဲကို ခုနက ဖိခြေထားတဲ့ ပူဒီနာရွက်တွေကိုထည့်ပါ။ ♦ ပြီးရင် အရွက်မြုပ်တဲ့အထိ သံလွင်ဆီထည့်ကာ အနည်းငယ်လှုပ်ခါပေးပါ။ ♦ အဲဒီပုလင်းကို မှောင်မည်း နွေးထွေးတဲ့နေရာမှာ ၂၄-၄၈ နာရီအထိ သိမ်းဆည်းပါ။ ♦ ၄၈ နာရီပြည့်ရင် အဲဒီပုလင်းထဲက အဆီတွေကို ပိတ်ပါးစအသုံးပြုကာ တခြားပုလင်းထဲ စစ်ယူပါ။ ♦ အခုဆိုရင် အသင့်အသုံးပြုနိုင်တဲ့ Peppermint Oil ကို ရရှိပါပြီ။  ♦ သေချာ လုံအောင်...

မိုးရာသီက ခြင်အန္တရာယ်အပြင် ယင်ကောင်တွေကလည်း ကြီးစိုးနေတဲ့ ရာသီပါ။ ယင်နားစာတွေကြောင့် ကျန်းမာရေးပြဿနာတွေအများကြီးဖြစ်နိုင်တယ်ဆိုတာ အားလုံးသိပြီးဖြစ်ပါလိမ့်မယ်။ ဒီတော့ ဒီယင်ကောင်တွေကို ကိုယ်တိုင်လုပ် စက္ကူလေးတွေနဲ့ ဖမ်းလိုက်ရအောင်လား...။ လိုအပ်သည့်ပစ္စည်းများ ♦ သကြား ခွက်တစ်ခွက်ရဲ့ လေးပုံတစ်ပုံစာ ♦ ပျားရည် ဒါမှမဟုတ် ပြောင်းမှုန့် ခွက်တစ်ခွက်ရဲ့ လေးပုံတစ်ပုံစာ ♦ ရေ ခွက်တစ်ခွက်ရဲ့ လေးပုံတစ်ပုံစာ ♦ အညိုရောင်စက္ကူအထူ ♦ ကတ်ကြေး ♦ လင်ဗန်း ♦ ဒယ်အိုး ♦ ညှပ် ♦ ဇွန်း ♦ သံဆန်ခါ ပြုလုပ်နည်း ♦ အညိုရောင်စက္ကူအထူကို ပုံမှာပြထားတဲ့အတိုင်း အရှည်လိုက်ညှပ်ပါ။ ♦ ဒယ်အိုးထဲကို ရေ ခွက်တစ်ခွက်ရဲ့ လေးပုံတစ်ပုံစာ၊ ပျားရည် ဒါမှမဟုတ် ပြောင်းမှုန့် ခွက်တစ်ခွက်ရဲ့ လေးပုံ တစ်ပုံစာနဲ့ သကြား ခွက်တစ်ခွက်ရဲ့ လေးပုံတစ်ပုံစာ ထည့်ပြီး အပူပေးပါ။ ♦ အိုးကပ်မသွားအောင် ဇွန်းနဲ့ မွှေနေပါ။ ♦ အားလုံးအရည်ပျော်ပြီး အနည်းငယ်ပျစ်သွားပြီဆိုရင် မီးဖိုပေါ်က ချပါ။ ♦ အဲဒီအရည်ထဲကို ခုနက ညှပ်ထားတဲ့စက္ကူတစ်ခုချင်းစီ ထည့်နှစ်ကာ အရည်စိမ့်၀င်အောင် ထားပါ။ ♦ လင်ဗန်းတစ်ခုပေါ် သံဆန်ခါတင်ထားပါ။  ♦ စက္ကူအနှံ့အရည်တွေစိမ့်သွား...