Fly Paper ပြုလုပ်နည်း

မိုးရာသီက ခြင်အန္တရာယ်အပြင် ယင်ကောင်တွေကလည်း ကြီးစိုးနေတဲ့ ရာသီပါ။ ယင်နားစာတွေကြောင့် ကျန်းမာရေးပြဿနာတွေအများကြီးဖြစ်နိုင်တယ်ဆိုတာ အားလုံးသိပြီးဖြစ်ပါလိမ့်မယ်။ ဒီတော့ ဒီယင်ကောင်တွေကို ကိုယ်တိုင်လုပ် စက္ကူလေးတွေနဲ့ ဖမ်းလိုက်ရအောင်လား...။

လိုအပ်သည့်ပစ္စည်းများ

♦ သကြား ခွက်တစ်ခွက်ရဲ့ လေးပုံတစ်ပုံစာ

♦ ပျားရည် ဒါမှမဟုတ် ပြောင်းမှုန့် ခွက်တစ်ခွက်ရဲ့ လေးပုံတစ်ပုံစာ

♦ ရေ ခွက်တစ်ခွက်ရဲ့ လေးပုံတစ်ပုံစာ

♦ အညိုရောင်စက္ကူအထူ

♦ ကတ်ကြေး

♦ လင်ဗန်း

♦ ဒယ်အိုး

♦ ညှပ်

♦ ဇွန်း

♦ သံဆန်ခါ

ပြုလုပ်နည်း

♦ အညိုရောင်စက္ကူအထူကို ပုံမှာပြထားတဲ့အတိုင်း အရှည်လိုက်ညှပ်ပါ။

♦ ဒယ်အိုးထဲကို ရေ ခွက်တစ်ခွက်ရဲ့ လေးပုံတစ်ပုံစာ၊ ပျားရည် ဒါမှမဟုတ် ပြောင်းမှုန့် ခွက်တစ်ခွက်ရဲ့ လေးပုံ တစ်ပုံစာနဲ့ သကြား ခွက်တစ်ခွက်ရဲ့ လေးပုံတစ်ပုံစာ ထည့်ပြီး အပူပေးပါ။

♦ အိုးကပ်မသွားအောင် ဇွန်းနဲ့ မွှေနေပါ။

♦ အားလုံးအရည်ပျော်ပြီး အနည်းငယ်ပျစ်သွားပြီဆိုရင် မီးဖိုပေါ်က ချပါ။

♦ အဲဒီအရည်ထဲကို ခုနက ညှပ်ထားတဲ့စက္ကူတစ်ခုချင်းစီ ထည့်နှစ်ကာ အရည်စိမ့်၀င်အောင် ထားပါ။

♦ လင်ဗန်းတစ်ခုပေါ် သံဆန်ခါတင်ထားပါ။ 

♦ စက္ကူအနှံ့အရည်တွေစိမ့်သွားပြီဆိုရင် အဲဒီစက္ကူကို ညှပ်နဲ့ယူပြီး သံဆန်ခါပေါ် ပုံပါအတိုင်း တင်ကာ အရည်စစ်ပေးပါ။

♦ စက္ကူတွေ မခြောက်တခြောက်အနေအထားမှာ ယင်ကောင်တွေ ရှိနေတဲ့ နေရာတွေမှာ ချိတ်ထားလိုက်ပါ။

♦ စက္ကူမှာ အရည်တွေ ခြောက်သွားရင် ထပ်ဆွတ်ပေးနိုင်ပါတယ်။ 

မှတ်ချက်

♦ စက္ကူကို အရည်လုံးဝခြောက်သွေ့အောင် မထားပါနဲ့။ ယင်ကောင်မကပ်နိုင်မှာမို့ပါ။

♦ Fly paper ကို လိုအပ်သလောက်သာ ပြုလုပ်ထားပါ။ မလိုအပ်ဘဲ အများကြီးပြုလုပ်ထားရင် အရည်တွေ ခြောက်သွားနိုင်တဲ့အတွက် အသုံးမတည့်ဖြစ်သွားပါလိမ့်မယ်။

☆ဆူးမြာ☆

Ref : www.thespruce.com